日本北九州半自駕遊
2015年12月6日(Day 8)
長崎→福岡→香港
長崎、原爆紀念館、福崗機場巴士
喺酒店食自助早餐，依間酒店的早餐好多款式，味道仲唔錯添。
長崎既夜景咁靚，臨離開酒店去睇一睇日景係乜樣先，其實個日景係有D似舊時香港既木屋區，哈哈。
用酒店既車返落去市中心，酒店既車係需要前一晚預約的，費用全免。去到市中心搭「市電」去「原爆紀念館」。
踏入公園就見到當時原爆既位置，依家已經起左一個紀念碑
從前係一座完整既教堂
到處都可以見到，市民摺一些象徵住和平既紙天鵝，表達對和平既祈望
參觀完「原爆紀念館」之後，真心覺得「戰爭」有多可怕。唔知係唔係受到原爆既影響，我地喺尋日到達長崎既時候，就見到「唐氏綜合症」的小朋友正表演，以及去到長崎的好多地方都見到傷健人士，比日本其他地區多。戰爭遺留落黎既影響確實好大，祝願世上每人都能夠做到放下己見，免避戰爭再次發生，世界和平。
時間緊迫，我地唔能夠行埋「平和公園」，就要去搭巴士直接去機場。喺直通巴士站之前，有一條購物街，可以作最後衝刺。
直通巴士每人2315円，每半小時左右一班車，大約2個小時到達機場，而中途有休息站，可以比大家去洗手間，但休息既時間真係只係去洗手間咋，雖然中途休息站係有得購物，但其他乘客都好守規則咁快快上車，所以唔好因為購物而擔誤其他乘客既時間呀。
由於我地早左去機場，所以去左其他國內線大樓買野食野。
食埋個小食同飲依個「梳打酒」之後就上機LU。講下個梳打酒，味道唔錯，我見到好多韓國中女大媽(雖然只係3X歲既中女, 已經有大媽既霸氣)搶購，我都買黎試下，甜甜地無酒味，但係都好似有6%酒精架，好易不知不覺又醉住上機架喇。
今次北九州順利完成，感恩。
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2015年北九州半自駕遊
╰。☆║．．．．．．．．．．．．．．║☆。╯
☆2015年11月29日 (DAY 1)☆
☆2015年11月30日(DAY 2)☆
☆2015年12月1日 (Day 3)☆
☆2015年12月2日 (Day 4)☆
☆2015年12月3日 (Day 5)☆
☆2015年12月4日 (Day 6)☆
☆2015年12月5日 (Day 7)☆
☆2015年12月6日(Day 8)☆
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言