韓國首爾D1：明洞, 神仙雪濃湯, 韓屋@嘟嘟雞比

2014/11/30(Day1)

香港國際機場 > 首爾機場 > 北村酒店 > 明洞 > 神仙雪濃湯 > 韓屋

趕唔切喺機場食野, 唯有上到機買野食, 因為我地搭既係廉航, 係無餐食既, 叫左個點心同雞卷, 點心係OK既, 但雞卷應該咸過咸魚
食物：點心x1, 雞卷x1
價錢：HK$150

到步喇, 未到韓國既時候係有D驚, 因為韓國係無漢字, 點知來到都好多英文, 所以無咁驚喇

雞比去到唔同既地方, 第一時間都係要飲包奶, 係佢既習慣

去酒店Check In完出發, 喺韓國街頭係好多依類型既特色小食, 天氣又十分之凍, 所以拿拿林試下喇

一路行一路食, 差不多去到「景福宮」喇, 依個係景福宮既外牆

因為民宿酒店(係韓屋黎既)比較難搵, 用左一D時間, 到達「景福宮」已經5點, 已經關左門, 所以在門口映幾張相, 唯有到此一遊啦
資料：
http://chinese.visitkorea.or.kr/chs/ATR/SI_CHG_2_1_1_1.jsp?cid=331238

天氣唔太好, 好似想落雨, 又好凍, 坐低飲返杯Starbucks

去到「明洞」肚又開始餓, 搵野食喇, 飲返碗「神仙雪濃湯」先, 喺一個咁凍既天氣低下, 飲一碗熱湯真係正呀, 我地點左「牛肉湯」, 牛肉味好重, 加埋泡菜, 唔錯唔錯, 但係雖然話係「濃湯」, 可能香港的濃湯真係好濃, 唔可以預期佢真係好濃郁既味道
餐廳：神仙雪濃湯
資料：http://www.travelnote.hk/seoul/food/sinsunseolleongtang

行過「明洞聖堂」去參觀下

如果大家係購物為主, 以下依間Skypark Hotel係十分之方便, 正正喺明洞, 買完野唔洗拎來拎去, 一上樓就可以放低, 又去濕過, 係不錯的選擇(不過我地唔係住喺依間)
資料：
https://www.skyparkhotel.com:4438/kor/html/main/main.asp

明洞梗係唔少得街頭小食, 士多啤梨「當做」, 好甜呀

如果太凍的話, 可以企埋去, 點個小食, 例如依個辣泡菜, 老闆就會比一碗湯你暖身, 個湯係幾好味架, 又或者食下佢地既魚蛋, 喺咁凍既環境, 真係唔錯, 不過係企喺道食既

韓國女士應該係非常之懂得養生護膚, 哈哈哈哈~~

我地行返酒店既時候一見到好多依類型既店, 不過因為連小小韓文都唔識, 所以就無入去喇, 係唔敢入, 哈哈哈

依間係我地依2晚既酒店, 係傳統韓屋, 由於韓國既屋大多數都係用地暖, 唔好預期可以一入到間房就「嘩...好暖」的感覺, 你要快速暖就成個人訓喺個地度啦, 而依類型傳統韓屋既隔音係.....可以係話「無」, 老闆喺格離訓既鼻塞都可以聽到, 阿嘟話：「今晚格離房的住客和老闆就慘喇, 我地今晚一定嘈到佢地無覺訓」.......你地唔好亂諗野, 我地唔係「製做噪音人」....只不過我同嘟既鼻寒都係「 重量級」, 睇怕佢地要帶耳塞先得喇, 民宿係包早餐同私人浴室及洗手間
民宿： Gung Guesthouse (宮旅館)

╭。☆║．．．．．♬♬~(￣▽￣)~♬♬．．．．．║☆。╮

☆★其他精彩旅程★☆

◄♡♡♡嘟嘟雞比的快樂腳印♡♡♡►

╰。☆║．．．．．．．．．．．．．．．．．．║☆。╯