韓國首爾D2：北村,僑村炸雞,東大門,生牛肉伴飯,首爾塔,醬油蟹,明洞@嘟嘟雞比

2014/12/1(Day 2)

韓屋 > 北村 > 僑村炸雞 > 東大門 > 

生牛肉伴飯 > 首爾塔 > 醬油蟹 > 明洞

尋晚返黎已經好夜, 所以影唔到酒店既相, 依家映返比大家睇, 韓屋中間有一個天井, 而老闆娘會喺六點半左右就喺個天井做早餐, 好似「大長金」果d宮女咁, 今日落大雪, 雪從個天井飄落黎, 好靚~

未食得早餐, 我地出去映埋個門口先, 依個門口既鎖係用「三叔既電子鎖」, 雞比仲研究左好耐, 大鄉里出城

依個就係我地今日既早餐, 對於食肉獸既我地黎講唔可以話豐富, 但韓式早餐係健康既, 一起身食辣野, 係有d刺激, 正呀, 醒神過飲咖啡, 唔好睇佢細細碟, 食晒佢地其實係好飽。

出發去「北村」, 好好彩喺途中見到木棵紅葉, 仲遇上初雪, 有意思有意思.....「當紅葉遇上初雪」......

實在太大雪同埋實在太凍喇, 我地是旦搵左一間餐廳, 入去飲返杯熱野, 依2杯茶呢(紅朿蜜, 柚子蜜), 叫得蜜應該係甜, 但估佢唔到.........係好好好好好好甜, 飲左一半, 飲唔晒
題外話: 雞比話今次係「糖尿精選之旅」, 唔知係唔係天氣凍既關係, 買親D飲品都係超甜, 搵唔到無糖既飲品, >W<

「北村」主要參觀佢舊式既韓屋, 亦有好多地點係曾經做過拍攝韓劇既場景, 而「北村」到依家都有民居住, 所以參觀時就要注意聲浪喇。
而「北村」裡面都有好多體驗館, 行過有時間可以入去睇下, 留意返, 有D係要預約既。http://big5chinese.visitkorea.or.kr/cht/SI/SI_CH_2_1_2_1.jsp?cid=565571

果期「來自星星的你」十分之流行, 個個都話要食炸雞, 仲有好多BLOG都話係必食, 我地一於去試下。
未去之前已經見到好多POST話, 依間「僑村炸雞」店員係十分之「不」友善, 可能因為佢地同遊客溝通唔到既關係, 所以佢地比較「燥底」。
炸雞係特別既, 炸到好脆卜卜, 誇張到可以連骨都食埋, 不過如果講味道「KFC」好似啱我地口味D。
我地去既依間店, 係要上2樓食, 而雞比對油煙味一向都好敏感, 食完之後會成身吸晒油煙味。
總括黎講, 味道唔係好味到可以抵消「店員的不友善」同埋「令你成身擁有揮之不去的油煙味」
資料：http://www.backpackers.com.tw/forum/showthread.php?t=1044348

我地係專為生牛肉而黎既, 依個「廣藏市場」好多地道野食買, 亦同時有好多「阿豬媽」黎依道買餸, 有濃厚既風土人情味。

食個下午茶先, 我地食「生牛肉」, 生牛肉係用雞蛋、梨同一D香菜混埋一齊食, 麻油味太重其實蓋過左牛肉味, 唔知係唔係本身D漢牛係淡味呢....

浪漫既阿嘟, 帶我上山頂既「首爾塔」睇首爾既夜景

首爾既夜景好冷漠, 無韓劇咁浪漫

我地返去「明洞」, 今晚係食「生八瓜魚」, 「醬油蟹」, 「石頭飯」, 餐廳唔係跟書或者上網搵, 其實係無啦啦比人拉左入去, 咩都試下啦。

╭。☆║．．．．．♬♬~(￣▽￣)~♬♬．．．．．║☆。╮

☆★其他精彩旅程★☆

◄♡♡♡嘟嘟雞比的快樂腳印♡♡♡►

╰。☆║．．．．．．．．．．．．．．．．．．║☆。╯