日本沖繩自駕遊
2014年4月18日(DAY5)
美國村>>うるま市>>那霸
海之駅、伊計海灘、玉泉洞、國際通石垣牛
喺附近既麵包店食左個輕便早餐就出發喇。
好少人好少車。
↓「海之駅」有土產可以提供購物，亦有食物可以供遊人作為休息站。
去到「伊計海灘」，由於四月都係比較凍，所以係無人游水，嘟嘟包左場，哈哈。
伊計海灘係私人沙灘，要入場費的，門口買入場券就可以。
除左游水，依個海灘仲有好多水上活動玩，例如水上電單車，滑浪，仲有特別既Flyboard添。
↓游完水，回程既路上，完全無車無人，可以面對海洋，享受寧靜既一刻。
今日另一個景點就係「玉泉洞」，進入鐘乳洞既一刻真係覺得好特別，就好似進入地底世界，每支鐘乳石都有不同既型態，有趣有趣。
↓仲有地底河，好似走入「地心探險記」的世界，不可思議。
依個公園除左可以睇到鐘乳洞之外，仲有充滿琉球文化既表演、建築同埋有爬蟲館。
↓貴到飛起的椰青
行到口乾，飲個椰青，依個椰青有幾特別呢? 唔知係唔係日本無出產椰子既關係，依個椰青係特別貴既，HK$100/1個。
椰肉會做成一條條，點日本豉油食，好特別既味道。
石垣牛串，味道一般。
還左車，晚上就返去國際通「牛屋」，食居酒屋。
當然係唔放過最後飲酒既機會。
都係石垣牛，味道無想像中咁好。
又係石垣牛，依份可以一試。
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2014年日本沖繩自駕遊
╰。☆║．．．．．．．．．．．．．．║☆。╯
☆2014年4月19日(DAY6)☆
那霸機場→香港
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言