日本沖繩自駕遊
2014年4月16日(DAY3)
名護市>>恩納
名護自然動植物公園、海中公園、玻璃船、萬座毛、ANA、沖繩拉麵
早餐雞比食牛肉飯。
阿嘟就叫左個套餐，有一盒「納豆」, 真係不敢恭維。
食飽飽之後就去「名護自然動植物公園」
裡面有二個方法可以遊覽整個動物園
1. 搭觀光小火車
2. 步行
我地首先搭「觀光小火車」，快速睇左整個動物園。
小火車既起點同終點都係同一個地方。
落左「觀光小火車」之後
再步行參觀整個動物園，就發覺可以不用乘搭小火車，因為路線其實係一樣的。
而步行可以一邊參觀、一邊零距離餵飼動物，好似走入「侏羅紀公園」。
路旁有一些售賣食物的盒子，是自動找續的，稱之為「良心售賣機」，因為無CAM影住，又無人睇住，憑良心買賣。
↑動物園用1小時30分鐘就可以行完玩完。
↓之後去海中公園。
↓在服務中心買套票，套票包括「接駁車」、「海中展望塔」及乘搭「玻璃船」。
由服務中心到「海中展望塔」，只係步行5至10分鐘，不搭接駁巴士亦可。
在橋上有餵魚的飼料，拋入海中，很多很大條的海魚游過來。
步行50級樓梯左右就會到達展望塔的底部。
由於當日天氣十分好，由塔底的窗口向海洋望出去，美麗得像一幅圖畫。
之後就乘坐「玻璃之船」，到海中欣賞海底的珊瑚礁。
↓雞比話佢唔係好識欣賞。
「萬座毛」到此一遊的景點，預15分鐘就足夠了。
嘟嘟話要喺「阿毛」上面跳一下。
遠望就可以見到我地今晚住既酒店「Intercontinental Ana Manza Beach Resort」。
到酒店前，買定啲啤酒喺房嘆。
便利店會有好多煙花買，因為我地唔知邊道放得，最終無買了。
房間大，一張床可以訓到二個成人。
雞比話依個叫偷香浴室，因為窗簾喺出面操控既。
↓無野做就喺酒店泳池游水，坐喺池邊好悠閒。
酒店既私人沙灘，好多野玩，不過因為4月仲係有點涼，無乜人玩。
酒店喺有教堂既，可以喺道舉辦婚禮啊。
戀戀沖繩既哥哥同王菲當時就喺道談情架喇。
依家係租售游水、潛水用品。
無野做既阿嘟同雞比，就係沙灘談下情睇下日落。
果種悠閒好適合急速既香港人，放慢腳步聽聽浪聲，聞下海水味，坐喺沙灘椅上享受寧靜。
晩餐時間，酒店附近既沖繩拉麵店。
附近有更多既餐廳，只不過係入黑，加上阿嘟覺得阿雞手車好屎， 都係叫阿雞唔好四圍渣，搵間最近既餐廳食算吧喇。
返到酒店，梗係喪飲啦，↓好味道。
↑好快咁飲晒買返去既酒，所以↓落去酒店既酒吧再飲過。
果位女待應問我地LAST ORDER仲叫唔叫野，我地都夠皮喇，所以飲完去櫃枱埋單，之後阿雞見到喺北海道無飲過既「余市24」，所以就想叫外賣。
女待應話OK，叫我地坐低等等，我地等左15分鐘，都未有得攞，就去問佢啦，佢話酒待不在，他現在已經正回來換衫，為你們準備這杯威士紀。
呀....我地叫果陣諗住，威士紀都係加冰加酒就得，點知必須要「酒待」先可以整酒，就算幾簡單都好，為左依杯酒，「酒待」要回來，換返套衫，好細緻咁安排，真十分不好意思，同時十分欣賞日本人的一絲不苟。
↓所以依三啖酒喺價值HK$350。
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2014年日本沖繩自駕遊
╰。☆║．．．．．．．．．．．．．．║☆。╯
☆2014年4月19日(DAY6)☆
那霸機場→香港
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言