日本沖繩自駕遊
2014年4月14日(DAY1)
香港>>那霸
通堂拉麵-首里城-國際通-牧志公設市場-東橫INN
出發, 喺機上面見到好多雲, 唔知到步天氣如何呢?
機場去酒店, 搭單軌列車, 中途順路經過「通堂拉麵」, 所以第一站就係去潮一下聖。拉麵店十分之受台灣朋友歡迎，我地等左好耐先映到一個無人既門口，佢本來係好多台灣朋友映緊相。
餐廳：通堂拉麵
Website：http://www.ryoji-family.co.jp/ryukyushinmen_tondo.html
有分男拉麵同女拉麵之分，分別在於份量，男拉麵當然係大碗啲啦。
味道唔錯，叉燒鬆軟、湯底濃郁、麵質彈牙、日本雞蛋當然唔洗講，好味道。
單軌列車係貫穿整個那霸, 係那霸主要既交通工具, 主要景點乘搭單軌列車就可以去到
雖然係好好陽光，但係都有D涼，氣溫太約17度左右，好乾爽，四月既沖繩都係有啲凍，所以想喺四月去沖繩玩既朋友仔，記住打多件外套，因為阿嘟就係咁凍親左喇。
街上好多富有沖繩特色的商店
到達「首里城」
首里城唔算好大，建議參觀時間太約一小時左右。可能唔鐘意歷史既朋友仔會話，其實用30分鐘已經可以了。
雞比問：唔知係唔係沖繩比較近中國, 容易交流往來, 連刺繡同中國的都有幾分相似
喺「首里城」入面有個體驗館, 可以體驗一下當時皇室食既茶點, 行到攰攰地, 當然坐低試下, 而阿嘟因為低估左溫度, 凍親, 開始病病地
點心味道十分似中國的雞蛋餅，而杯茶就有好清香既茶味，300円一人，十分值得一試。
路邊的野花
連飲品都非常富有沖繩特色
行完「首里城」, 就去名為「奇蹟的一里」的「國際通」，基本上國際通係沖繩最繁榮既地區，想購物喺依條一里既街道上可以盡情咁購啦。
濕平完梗係搵野食, 我地去左「牧志公設市場」, 模式似香港的鯉魚門一樣, 喺街市揀左海鮮, 之後店家就會問你去邊間餐廳食, 而街市的老闆多數都係識講普通話同廣東話的, 選好海鮮之後, 老闆問我地去台灣人的餐廳還是日本人的餐廳, 我地選擇了日本人的餐廳。
材料價錢：
「龍蝦」=3800円 (煮法：刺生、湯)
「夜光貝」=3500円 (煮法：刺生、蒜蓉炒)
「魚生」和「海葡萄」=500円
餐廳收費：4XXX円
1. 泡盛
2. 啤酒X2
3. 煮功
依個夜生貝有二食，生食同蒜蓉炒，唔知係肉質問題定係煮法問題，熟左既夜光貝係十分之難咬，建議生食會比較好食。
龍蝦都係二個食法，生食同龍蝦湯，龍蝦生食既肉質係十分之彈牙、鮮甜。
↑唔記得講「海葡萄」添，海葡萄好似配菜咁，但係佢唔講得笑，係沖繩特產，放一串海葡萄入口，一咬就會咬爆他們，好脆，裡面的「葡萄汁」有十分新鮮的海水味，感覺就係回歸大自然一樣，好感動，去到沖繩必定鐵定要試。
↑「泡盛」係一種特產於琉球群島的蒸餾酒，是燒酒的一種。由大米製成，但並非像日本清酒那樣釀造而成，而是由蒸餾而得。
酒精濃度50%，餐廳應該會連同冰、冰水、水一齊上，用黎溝淡酒味。
而味道呢.......嘟嘟雞比都係鐘意飲酒，但對於泡盛真係不敢恭維，泡盛的酒精濃度高，飲起上黎有啲似消毒火酒既感覺，可以試下，但唔會愛上。
↑依個就係炒既「夜光貝」, 比較難咬。
依個龍蝦湯就正喇，十分之濃郁，諗返起好回味。
食完又再行過喇
風獅爺好可愛, 雞比都忍唔住買左
再買啤酒到酒店慢慢嘆
我地係住喺「東橫INN」, 同國際通好近, 行返去就可以喇, 東橫INN地理位置超方便, 位於國際通的頭部, 買野食野超一流。
↓宵夜時間
每次去日本, 阿嘟都會幫雞比朋友阿A買當地的STARBUCKS CARD, 而STARBUCKS CARD喺日本唔同地區係有唔同既款式, 雞比認為「京都」果張係最靚, 因為有一份古式古香既味道
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2014年日本沖繩自駕遊
╰。☆║．．．．．．．．．．．．．．║☆。╯
☆2014年4月19日(DAY6)☆
那霸機場→香港
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言