日本沖繩自駕遊
2014年4月17日(DAY4)恩納 >> 北谷
殘波岬公園、真榮田岬藍洞浮潛、座喜味城跡、美國村
起身食早餐喇，酒店早上有個「萬座朝市」，主要售賣當地既特產。
酒店價錢係無包早餐的，而我地貪方便，都係留在酒店食，早餐價錢太約HK$200一位，有日式和西式，我地係選擇左日式。食完之後，我會建議各位選擇食西式早餐。
經過依間賣紅薯零食的「御菓子御殿」，入去睇下有乜手信。
生產線提供給遊客參觀，飄出一陣陣的紅薯香味，好似白之戀人朱古力廠。
店內有CAFE供遊客休息，仲有好多唔同款式既手信，想買特產既朋友黎到依道應該會「爆車而歸」。
好多人黎到依間教堂都會入去映相，但係提提大家，依個係私人教堂，係唔能夠進入既，所以喺出面映下好喇，比人趕就唔好啦。
依個喺教堂背後既沙灘，好大好寬闊的。
去到「殘波岬」，第一眼就見到依部用巴士做既店商，充滿特式，不過當時好大風，無坐低慢慢嘆雪糕。
↓殘波岬涯邊的地面凹凸不平，行的時候要小心點，好似月球表面。
↓「真榮田岬」的停車場，是我們在沖繩使用的唯一一個要付款既停車場。
↓嘟嘟成幅武裝去邊道?
出發去「藍洞」玩浮潛。
阿嘟跟住教練，由沿住涯邊行入「沖繩青之洞窟」
<<點樣報名？>>
只要搜尋「沖繩青之洞」，就會有好多網頁提供浮潛或水肺潛水活動報名，活動時間一般係1小時左右，浮潛價錢大約5000円左右。有興趣既朋友仔可以上網搜尋一下。
洞裡面的水，因為陽光的折射，呈現「螢光藍」的顏色，阿嘟話好似置身喺發光的藍水一樣，好不可思議。
教練係會在水中替浮潛人物拍攝，事後EMAIL比你。
由於阿嘟係第一次玩浮潛，亦都未試過餵魚，嘟嘟話感覺就好似喺天空飛翔一樣，各位有機會一定要試試。
<<唔識游水點算好?>>
唔識游水唔洗怕，因為必定要穿著救生衣，而教練會在你身旁徘徊，都唔算好危險。
帶住疲倦既身驅，去到座喜味城跡。
路邊的花，塊面咁大朵。
話明係城跡，係無「城」睇既，只係歷史的痕跡。站在他的觀境台，可以看到270度的海景。
在座喜味城旁邊有間唔起眼既商店，唔知係唔係因為肚餓既關係，依碗沖繩そば，雞比覺得好食到流眼淚。
今晚住喺美國村的民宿，在大堂拿了密碼及房號，就自己上樓開門，好有返屋企既感覺。
住宿：Beachside Condominium
地址：中頭郡北谷町 北谷 2-16-2
房間裡有廚房，可以在附近超市買食物返黎煮，但記得用完要洗返架。
地方都算係闊落。
露台有一個浴缸，豪放仔阿嘟就係一邊飲酒一邊睇日落一邊浸浴，幾梳干。
美國村感覺好GTA
住宿附近都無乜餐廳，就入左依間用備長炭燒串燒既餐廳食晚餐。
店內得一個人工作，就係老闆，一邊燒串燒，一邊同客人傾計，依兩杯係老闆介紹我地飲既「泡盛」......
一坐低就有既餐前小食。
依個不得不介紹，喺用雞肉打碎，燒後加芝士，再沾蛋黃食，十分十分之好味道。
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2014年日本沖繩自駕遊
╰。☆║．．．．．．．．．．．．．．║☆。╯
☆2014年4月19日(DAY6)☆
那霸機場→香港
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言