日本沖繩自駕遊
2014年4月15日
那霸>>本部町>>名護市
取車、沖繩美麗海水族館、菠蘿園、大家(阿咕豬)
在網上租車時已經可以預約租車公司人員到酒店接我們去取車，取車時職員會問你要唔要買全保，阿雞第一次渣車，梗係買全保啦，而全保既費用係普遍保險既一倍。
取車之後，雞比話好驚，始終係第一次喺日本路上渣車，不過，過左10分鐘阿雞就無事，已經習慣左喇。
本來我地就諗住去搵出名既沖繩拉麵，但係GPS好似點左我地，咁就是但搵一間餐廳食，依間餐廳係食沖繩料理。
餐廳：ま一す家
網址：http://www.ma-suya7.com/
餐廳內全部都係「個室」, 好有私人空間, 感覺良好, 雞比最鐘意。
↓似喺屋企將牙菜、椰菜、午餐肉炒埋一碟放喺湯麵上面，好有廣東特色。
↓「水雲」係開胃小食，酸酸地，係到沖繩必食既餐前小食，喺炎炎既夏日吃著冷冷酸酸的「水雲」，即刻醒神晒。
↓凍豆腐
↓雞比至愛沖繩拉麵, 真係好好味道, 麵上的肉似香港鹵水煮法, 煮得好林, 入口即溶, 有沖繩特產好香的「蔥」，麵質似烏冬，湯底就幾清既。
↓雞比認為同一般海鹽無乜分別，只係個樣比較靚，粉紅色。
依間餐間對面有一個好大既停車場，任泊唔嬲，免費。
到左「沖繩美麗海水族館」，我終於明白點解叫美麗海，現場睇實在太美麗，可惜我的攝影技術唔能夠將之呈現出來。
入到水族館裡面，可以用手觸摸某些海洋生物，記得摸之前要先洗手啊。
依個就係全球最大既魚池。
我地都好幸運，職員正在餵食鯨鯊，鯨鯊食野果陣就好似吸塵機吸啲食物入口，巧得意。
可以行到海邊欣賞海岸線。
陽光映照在海面上，發出耀眼的光芒，美得令人感動。
每日都有幾場，用疏球音樂做背景的海豚表演，好精彩啊，精彩到阿雞只係掛住睇無映相。
↓「菠蘿園」
網址：http://www.nagopineapplepark.com.tw
園內其實不大，買完門票就係入去乘坐一架自動行駛既菠蘿車，所用時間太約10分鐘左右，睇植物咁啦。
之後總站就係紀念品店，好多菠蘿做既食物、飲品、紀念品等等....
果時仲有一大盤既菠蘿任你食，你食到幾多就幾多，不過聽朋友仔講，依個任食已經取消左喇。
喺菠蘿園旁就係雜果園，我都想入埋去睇架，不過因為已經五點了，所以入唔到去。
晚餐時間，餐廳外面有兩套傳統琉球的服裝，點解? 因為我地去既係百年老店。
登登登登，雞比最期待既百年老店「大家」食「阿咕豬」...YOYOYOYOYO~
網址：http://ufuya.com/tc/
餐廳是保留左百年前的琉球建築物，淨係食建築就抵返晒。
建築物係依山而建，旁邊仲有流水，很有詩意。
我地係坐喺窗口旁邊，望住依個景食飯，真係令人放低晒所有煩惱。
↓前菜同埋點阿咕豬的汁(麻醬同醬油)，前菜全部都凍既。
雞比最鐘意食既「水雲」
「阿咕豬」出場，YO~ 依盒係二人份量，好在有「漒水胃阿嘟」，份量真係幾多，差啲食唔晒。
我地只係用清水卓熟「阿咕豬」，我地從來都未食過依個豬味，十分極好味道，除左有豬肉既香味，唔知點解仲有芝士味道，總之「阿咕豬」係好特別，值得為佢再去多一次沖繩。好正呀~~~~
套餐係包埋疏菜同沖縄そば 的
食完野返酒店，係一間普通既酒店。
由於嘟嘟第一日就凍親傷風，又無帶傷風藥喎，所以要去四圍搵藥，而沖繩既便利店原來係無藥賣既，所以必須要去藥房先有，搵左好耐，好彩終於搵到。
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2014年日本沖繩自駕遊
╰。☆║．．．．．．．．．．．．．．║☆。╯
☆2014年4月19日(DAY6)☆
那霸機場→香港
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言