【行程】
高知縣室戶市室戶岬明星酒店→高知縣室戶市室戶岬御廚人窟→
高知縣室戶市室戶岬展望台「恋人の聖地」→高知縣室戶市親親海豚→
高知縣室戶市鹿岡の夫婦岩→德島縣海陽町道の駅 宍喰溫泉→
德島縣美波町道の駅 日和佐→徳島県德島市阿波木偶人形会館→
徳島県德島市阿波十郎兵衛屋敷→徳島県德島市新町溫泉→
徳島県德島市東橫INN
一起身食個日式早餐，可能第一次黎日本的朋友會唔習慣，認為唔好食或者覺得無野食，但我地就十分鐘意食，食當地食物先能夠真正感受當地文化。
御廚人窟位於高知縣室戶市室戶岬。是為高僧弘法大師空海青年時修行的地方。喺酒店格離，但因為有一舊大石由山上滾落黎，所以無緣入內參觀。
【景點】御廚人窟
【網址】https://www.japanhoppers.com/zh_tw/shikoku/muroto/kanko/2114/
【感受】#神秘的洞 #好想入去參觀 #適合閉關
對面大平洋海邊石灘
就喺洞窟對面，今日天氣就唔係咁好，晏啲仲落大雨添，但因為大風浪，所以拍上岸既浪光顯得好有FEEL。
戀人之聖地，位置都幾無人，晚上唔知會唔會變成另類聖地呢，如果天晴黎到依道，係可以望到全個海邊，都幾浪漫既。
親親海豚活動，由於實在太大雨，黎到又無可能唔玩，咁就拿拿林快速親一下，我地係第一次摸海豚，感覺好特別。摸落去好脹卜卜，好似就快裂開咁，又好膠，似車呔的內膽。而依個地方仲可以預約同海豚暢泳，實在係難得既體驗。
【景點】室戸ドルフィンセンター
【地址】〒781-7101 高知県室戸市室戸岬町字鯨浜6810-162
【電話】0887-22-1245
【網址】http://www.muroto-dc.jp/
【價錢】800円
【TIPS】早上去玩，因為無乜人
【建議使用時間】1小時
【停車場】免費
【感受】#原來海豚皮膚係咁得意
鹿岡夫婦岩
行過路過唔好錯過，車程路經見到，落車影一影相。
又有喺四國好普通既連續髮夾灣，澳門果個真係濕濕碎。
肚餓就搵野食，當時仲落緊大雨，都幾掃興，而且我地預備既衫又唔多，又濕又凍。
【景點】HOTEL RIVIERA ししくい
【地址】徳島県海部郡海陽町宍喰浦字松原226-1
【電話】0884763300
【網址】http://www.hotel-riviera.co.jp/
【感受】#阿波雞好好食
雨己經開始細返啲喇，實在太好，但係一波未平一波又起，雞比好鐘意Figure，乜野公仔既都唔放過，雞比好期待黎到睇玻璃公仔，點知換黎四個大字「本日休館」。
【景點】阿波木偶人形會館
【地址】〒771-0114 徳島県徳島市川内町宮島本浦226-1
【電話】088-665-5600
【網址】http://www3.tcn.ne.jp/~awadekoningyokk/top.html
【TIPS】查清楚休館日
【附近】十郎兵衛屋敷
【停車場】免費
【感受】#睇相啲公仔好靚 #好想入去 #是日不順 #雞比在暗角落淚中
當日沒有任何表演，但都可以入場參觀，在練演的太太十分熱情咁向我地講解台上的設備，雖然我地唔識聽，哈哈。
【景點】阿波十郎兵衛屋敷
【地址】徳島県徳島市川内町宮島本浦184
【電話】088-665-220
【網址】http://joruri.info/jurobe/
【價錢】410円
【TIPS】可以查下有沒表演先去睇
【附近】阿波木偶人形會館
【建議使用時間】30MIN
【停車場】免費
【感受】#好似阻住人地練習
又道之駅，梗係趁機會又休息下，日和佐駅有足湯，之前浸過既足湯，除對鞋就跳入去浸，但係依個足湯係要先在水龍頭清洗腳先去浸，所以要睇清楚每個足浸既不同規則喇。
【餐廳/購物】道の駅 日和佐
【地址】〒779-2305 徳島県海部郡美波町奥河内寺前493-6
【電話】0884-77-2121
【網址】http://mitinoeki-hiwasa.com/
【TIPS】用足湯前要洗腳
【建議使用時間】30MIN
【停車場】免費
【感受】#足湯好舒服
去到德島市，比想像中有點落差，唔知今日係唔係定休日呢? 全條商店街都無開門。而且德島比我地既印象係十分十分之冷清，無任何旅遊活動。
又係食飯時間，嘟嘟最鐘意，因為已經在酒店CHECK IN左可以放低架車，阿嘟就可以飲酒喇，是旦去左一間居酒店。店員落力既講解，推介本人精選，食物十分之好味道，尤其是個鯛釡飯，雖然製作需時，但食一啖直情會好味道喊出黎，鯛魚的油和魚汁滲入到軟軟的米飯中，魚肉又香又滑，實在太難忘的味道。鰹魚燒好味過明神丸，又炭火香味魚肉亦軟軟的。
【餐廳】とくさん居酒屋
【地址】徳島県徳島市寺島本町西１－４２
【價錢】16243円/4人
【必食】鯛釡飯、阿波雞串燒
【建議使用時間】
【停車場】無
【感受】#坐個室好舒服
有趣的阿波舞。每年德島夏季都有阿波舞巡遊，但唔係個個去都會咁啱遇到，而依個位置眉山纜車站的會館，每晚都會有表現，仲會即場教遊客阿波舞既跳法及邀請參觀者落場跳舞，氣氛好正，必去。
【景點】阿波おどり会館
【地址】徳島県徳島市新町橋2-20
【電話】088-611-1611
【網址】http://www.awaodori-kaikan.jp/pref/
【價錢】600円
【附近】眉山纜車
【建議使用時間】1HR
【感受】#要一齊跳 #好開心 #德島最深刻的活動
喺市中心裡面有個溫泉? 你見到佢個外表就知道乜料，本住乜都試一餐既精神去試一試佢。其實依間係民居澡堂，提供附近沒有浴室的居民使用。
入到大門，見到女湯及男湯，中間坐左一位阿伯，比完錢佢，佢會比返條毛巾仔你，沒有附洗頭水、沐浴露果啲野，所以大家想試就先要自備喇。
裡面有好多個不同既水池，除左普通池之外，有啲比較特別例如激光池、電器浴池。阿嘟試左有一個叫「電器浴池」，一伸隻腳入去立即縮返，因為真係有電。
雞比女果邊既情況就係，入到去先搵個位沖涼，但係搵來搵去都搵唔到洗身用品，就拿拿林沖完個身就走喇，點知個水龍頭有開無關，雞比就趁無人見到既時候逃出左個浴室。
【景點】新町溫泉
【地址】〒770-0905 徳島県徳島市東大工町2-28-2
【電話】088-622-8306
【價錢】430円
【TIPS】要帶定洗頭水沐浴露
【建議使用時間】1HR
【感受】#電到X都縮 #酒店對面 #風桶要10円 #有趣體驗 #下次準備好就去
【其他】youtuber的演譯：https://www.youtube.com/watch?v=qxcEoUsh6ac
都係返酒店再沖過，之後就訓喇，迎接明天的旅程。
Day 1 (5月10日)
香港→大阪
香港國際機場、大阪關西機場、機場取車、泉佐野市酒店
http://dodogb.blogspot.com/2017/01/blog-post.html
Day 2 (5月11日)
泉佐野市→小豆島→香川縣高松市
姬路港渡輪去小豆島、小豆島寒霞溪、小豆島四方指展望台、小豆島銚子溪猿之國、小豆島中山千枚田、小豆島天使之路、小豆島土渕海峽、小豆島橄欖公園、池田港渡輪去高松市
http://dodogb.blogspot.com/2017/01/blog-post_15.html
Day 3 (5月12日)
香川縣高松市→香川縣琴平町
香川縣高松市玉藻公園、香川縣高松市粟林公園、香川縣琴平町金刀比羅宮
http://dodogb.blogspot.com/2017/01/d3.html
Day 4 (5月13日)
香川縣琴平町→德島縣三好市
香川縣琴平町、德島縣三好市大步危觀光船、德島縣三好市妖怪之家、德島縣三好市奧祖谷二重橋、德島縣三好市劍山、德島縣三好市奧祖谷の かずら橋、德島縣三好市人形布偶之村、德島縣三好市祖谷溫泉旅館
http://dodogb.blogspot.com/2017/01/d4.html
Day 5 (5月14日)
香川縣三好市→高知縣南國市→高知縣高知市
香川縣三好市祖谷溫泉、香川縣三好市小便小僧、高知縣南國市西島園芸団地、高知縣高知市高知城、高知縣高知市ひろめ市場、高知縣高知市酒店
http://dodogb.blogspot.com/2017/01/d5.html
Day 6 (5月15日)
高知縣高知市→高知縣安芸市→高知縣室戶市
高知縣高知市朝市、高知縣安芸市岩崎弥太郎生家、高知縣安芸市野良時計、高知縣安芸市伊尾木洞、高知縣安芸郡莫奈之家(カフェ「モネの家」)、高知縣室戶市室戶岬明星酒店
http://dodogb.blogspot.com/2017/02/d6.html
Day 7 (5月16日)
高知縣室戶市→徳島県德島市
高知縣室戶市室戶岬明星酒店、高知縣室戶市室戶岬御廚人窟、高知縣室戶市室戶岬展望台「恋人の聖地」、高知縣室戶市親親海豚、高知縣室戶市鹿岡の夫婦岩、德島縣海陽町道の駅 宍喰溫泉、德島縣美波町道の駅 日和佐、徳島県德島市阿波木偶人形会館、徳島県德島市阿波十郎兵衛屋敷、徳島県德島市新町溫泉、徳島県德島市東橫INN
http://dodogb.blogspot.com/2017/02/d7.html
Day 8 (5月17日)
德島市→鳴門市→淡路島→大阪府→香港
德島市東橫INN、鳴門市觀潮船→淡路島淡路夢舞台、大阪道頓崛、大阪關西機場
http://dodogb.blogspot.com/2017/02/d8.html
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言