嘟嘟雞比: 【日本東四國自駕遊(Day2)】姬路港/小豆島/寒霞溪/四方指展望台/銚子溪猿之國/中山千枚田/天使之路/土渕海峽/橄欖公園/池田港/高松市@嘟嘟雞比

第二日, 今日既車程都算幾遠, 主要係玩小豆島, 要連人帶車搭渡海輪, 香港好耐以前都有, 不過香港既新一代, 即係好似我地依啲咁年輕既就無經歷過, 所以連人帶車既行程都幾特別。

【行程】
姬路港渡輪去小豆島→小豆島寒霞溪→小豆島四方指展望台
小豆島銚子溪猿之國→小豆島中山千枚田→小豆島天使之路
小豆島土渕海峽→小豆島橄欖公園→池田港渡輪去高松市

食個酒店既簡單早餐, 就出發喇。

大阪灣岸高速公路既休息站。

【連人帶車渡輪】
喺姬路港上船, 會有職員指示入幾號線, 而收費方面既計身上既長度同埋人數。
時間表及料金表：http://www.shodoshima.com/ac-himeji.htm

泊好架車, 就上一層到休息地區來, 坐位十分之舒適, 唔知係唔係因為平日, 所以好少人, 我地見到好多日本人都會訓晒喺啲長枱道, 船程1小時30分。

↓有食物部架, 我地叫左烏冬食, 1300円, 阿雞話好好食, 連湯都飲埋。

有女性專用區, 都係十分之舒適同寧靜

↓樓梯通住上一層, 可以到室外欣賞海景
小豆島渡輪

↓ 好舒適又無人, 但係風太大

↓依個係小豆島的吉祥物

↓拿拿拿, 依個地區真係不得不提, 無座位, 得張地毯, 又有個電視, 咩意思先, 原來依個係休息區, 好多日本人都會喺道訓覺。

↓就係咁訓既, 我地都有去體驗過, 十分唔錯

↓亦有人係咁訓

↓訓唔著既話可以睇下電視亦得

↓煙民注意喇, 船裡有吸煙室的, 真係十分周到

↓依碗就係阿雞話好好味既烏冬, 睇落好似好清, 但係味道都有小小濃郁

↓到達小豆島既第一個口路, 碼頭係無位比你停既, 所以一上岸就無得映相了

今日既天氣唔錯, 有藍天, 實在太好

↓想黎四國自駕既朋友就留意, 基本上四國既路大部份都係山路, 而且十分多單線雙程行車, 所以新手都係練好手車先來喇。

到左寒霞溪, 依個係寒霞溪停車場, 可以乘坐覽車既, 我地無搭覽車, 依道係賞紅葉既好去處, 紅葉期依道既風景真係不得了。
【景點】寒霞溪(寒霞渓ロープウェイ)
【地址】香川県小豆郡小豆島町神懸通高瀬乙168[地図]
【電話】0879-82-2171
【網址】http://www.kankakei.co.jp/
【價錢】如果唔搭纜車免費
【感受】●紅葉期一定好靚 ●風景好靚

有時既的話可以沿住, 依條行山徑行下, 應該係十分之舒服

只能夠說：好靚, 好靚

【景點】四方指展望台
【地址】香川県小豆郡小豆島町神懸嶮岨山乙1117
【網址】http://shodoshima.or.jp/?p=773
【TIPS】無電話可以提供，可以在車的GPS找到

站在一個四方型的展望台上看風景

「猿之國」動物園, 其實係去睇猴子, 即係去左香港既馬騮山, 當然果啲猴子無咁惡, 但如果餵食的話, 你需要被困在籠內。園裡面的工作人員全都是長者，十分親切。
【景點】銚子溪猿之國
【地址】〒761-4151 香川県小豆郡土庄町肥土山蛙子3387-10
【電話】0879-62-0768
【網址】http://www.osaru-no-kuni.sakura.ne.jp/
【價錢】380円
【感受】●見盡弱肉強食既世界 ●餵馬騮時有鋤強扶弱之感 ●小心馬騮屎 ●工作人員十分親切 ●全場得我地四個人 ●希望多啲人去可以支持一下長者老闆 ●老闆個樣有啲些猴子
【TIPS】一定要玩餵馬騮

↓依間就係餵食屋

每日既候子群都唔同

我地被困在餵食屋裡面, 食物就100円一桶, 係包皮, 即係面包皮, 細隻既會被大隻搶, 他們的手指甲應該是被管理員處理過, 佢地攞食物既時候, 會有好多對小手對你伸出黎, 好可憐又好可愛, 唔小心被小手捉摸到, 就好似BB仔的手仔一樣, 好軟好軟。

園區內仲有鹿, 但唔可以餵食的。

↓依一個係另一款既餵食活動, 100円, 有個婆婆會在前面把守, 以免馬騮襲擊你, 你地向他們派豆, 好似BB彈。

↓最後婆婆會比食物你放喺手上面, 馬騮長老會慢慢行到你前面, 捉住你隻手, 食你手上的食物, 而且會錫你隻手一啖, 好得意架, 不過膽要夠大先得, 最好笑既係, 玩完發覺, 長老隻手上有屎, 攪到自己都有屎, 哈哈哈哈。

離開了猿之國, 就去睇「梯田」

依道係「中山千枚田」, 本來就去一間食堂「こまめ食堂」, 一邊食午餐, 一邊靜靜地感受梯田既寧靜, 但係食堂定休日, 所以就映幅相, 到此一遊算喇。
【景點】中山千枚田
【地址】小豆郡小豆島町中山
【電話】0879-82-7007
【網址】http://shodoshima.or.jp/?p=807
【價錢】免費
【感受】●到此一遊 ●梯田不太大
【TIPS】4月下旬至9月下旬最靚
【附近】在こまめ食堂TEL:087-975-0806 (http://www.dreamisland.cc/cafe/komame-cafe.html)。可以望住梯田食午餐, 聽人講漢堡包最好味。

食午餐, 小豆島出名烏冬, 去是旦入一間烏冬都係彈牙爽口既。

水退有條路既天使散步道, 係小豆島的其中一個觀光景點, 趁佢水退行下都幾得意。
【景點】天使散步道
【地址】香川県小豆郡土庄町銀波浦
【電話】087-962-2111 (旁邊酒店的電話)
【網址】http://www.my-kagawa.jp/point/306/
【價錢】免費
【感受】●幾得意 ●想在就快無路既時候感受一下
【TIPS】一定要知道潮汐時間http://www.town.tonosho.kagawa.jp/kanko/tnks/info38.html

土渕海峡是全球最窄海峽。吾......其實依個景點呢, 特別得黎又好得意(哈...雞在講反話呀), 順道行過映張相都唔錯。
【景點】土渕海峡
【地址】日本〒761-4105 Kagawa Prefecture, Shozu District, 土庄町本町
【電話】0879-62-5336(附近餐廳'笑助'的電話)
【網址】http://shodoshima.or.jp/?p=6978
【價錢】免費
【感受】●出前先了解佢 ●唔了解就唔好去 ●聽人講晚上有燈飾 ●雞比連海峽係乜都唔知
【TIPS】留意返無車位

橄欖公園面對瀨戶內海, 售賣著各式各樣橄欖產品, 環境寧靜又舒適, 是魔女宅急便拍攝場地。
【景點】橄欖公園
【地址】香川県小豆郡小豆島町西村甲1941-1
【電話】0879-82-2200
【網址】http://www.olive-pk.jp/
【價錢】免費
【感受】有很多講國語同廣東話的遊客
【TIPS】必食橄欖雪糕

↓在池田港乘搭連人帶車既渡輪去高松

↓在等船既期間, 池田港旁邊有個小山, 有一個很特別既型狀, 一見到我地笑左出黎.

↓依架就係我地要搭既渡輪

↓阿嘟實在太攰, 攰到一個點。

↓到左高松市,搵野食, 晚餐食HAMA ZUSHI, 一句講晒, 平靚正。

可以在迴轉上取壽司, 亦可以在每枱上的螢光幕上點壽司。

↓超級甜既菠蘿, 壽司店有售賣當地當造的水果

↓十分好味道的厚蛋, 蛋香, 甜美

↓我地食左咁多

↓只需5915円

↓入住高松東橫INN

↓在附近的超市+藥店購物係食完飯既活動, 依間店好大, 可以行1個小時

╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮

☆★其他精彩旅程★☆

◄♡♡♡嘟嘟雞比的快樂腳印♡♡♡►

╰。☆．。☆．。☆．．．．．．．．．．．．．．☆。．☆。．☆。╯

嘟嘟雞比的快樂腳印
2018	九州中部
2017	九州中部	鹿兒島	高松	房總半島
2016	西四國	東四國	高松	伊豆半島
2015	台中	名古屋	九州北部
2014	沖繩	廈門	首爾
2013	西安	大阪	北海道
2012	北京	墾丁
2011	歐洲四國
2009	東京	台北

嘟嘟雞比

2017年1月15日星期日

【日本東四國自駕遊(Day2)】姬路港/小豆島/寒霞溪/四方指展望台/銚子溪猿之國/中山千枚田/天使之路/土渕海峽/橄欖公園/池田港/高松市@嘟嘟雞比

3 則留言:

搜尋此網誌

2017年1月15日 星期日

【日本東四國自駕遊(Day2)】姬路港/小豆島/寒霞溪/四方指展望台/銚子溪猿之國/中山千枚田/天使之路/土渕海峽/橄欖公園/池田港/高松市@嘟嘟雞比

3 則留言:

搜尋此網誌

2017年1月15日星期日