日本北海道自由行
12月6日(DAY6)
二世古→小樽
Hilton Niseko Village→小樽駅→小樽壽司屋通→旭壽司→Hotel Neuschloss Otaru
一起身窗外落住好大雪，一片白茫茫的景象，驚會阻礙行程? 唔洗怕。
順帶一提，黎到北海道，就發覺天氣同香港有啲唔多同，點解? 香港如果落雨就成日落雨，好天就成日都好天。但係北海道的話，你見佢依家係落好大雪、好陰天，轉個頭就會有陽光，天氣轉變得很快，如果各位朋友仔見到早上天氣唔好，唔好灰心，下午可能會好啲架喇﹗
古乳有暈：「落雨又有咩好怕喎，可能陣間會好天呢?」
乜都唔理，醫下個肚仔先，落去餐廳食豐富早餐，GOGOGO~~~
果然名不虛傳，早餐的確係十分之多款式，晨早流流就食到抱住個肚喇﹗
拿拿拿，話口未完，天氣就開始好起黎喇，窗外既風景，靚到爆炸呀，靚到好似油畫咁，相片無執過架，靚到真係唔能夠相信自己既眼睛。
酒店的穿梭巴士未夠鐘，唯有坐喺窗邊依依不捨咁欣賞美麗的羊蹄山，回首多幾眼啦!
<<小樽駅>>
黎到小樽駅，發現掛在牆上好多Welcome鐘，恕我功力有限，相機就映唔到佢既靚，各位朋友仔去親身睇下啦。
<<小樽壽司屋通>>
喺短短既200米的地段，有接近20間既壽司店，因此於1987年被命名為「小樽壽司屋通」。
網址：http://www.otaruzushi.com/
<<旭壽司>>
我們點了一份壽司套餐、八角魚、白子、拖羅、小樽啤酒。
其中"白子"要講講，牠是魚的精子，是什麼魚就不知道啊，可能你會怕好鯹，唔洗擔心，一點都不鯹啊，質感是滑嫩嫩的，而且帶有花香味同魚油味道，配以柚子味的醬料，味道太夾了，「神秘之白子」你一定要試。
地址：北海道小樽市色内1-12-5
電話：0134-29-0625
網址：http://www.asahizushi.co.jp/
<< Hotel Neuschloss Otaru (小樽城堡飯店)>>
這是位於山上的酒店，可預約酒店的車到火車站接送，房間包括私人風呂，而展望風呂是面對海洋，晚上可以坐在溫泉中，水平線咁望到星星，對於我地連天都睇唔到既香港人黎講，簡直係一個奇景。
酒店設計很洋式，雞比話好似金田一殺人事件簿裡面的場景。
我們以住去的溫泉旅館係可以著住拖鞋，CC服服咁去餐廳食晚餐的，但這間酒店對於出入餐廳客人的要求比較嚴格，所以請各位朋友仔換返對鞋。(出國唔失禮是江湖常識吧!)
電話：0134-22-9111
地址：北海道小樽市祝津3丁目282
網址：http://www.neuschloss.com/english/index.html
費用：HK$2300 (包括晚、早餐-2人)
<<驚喜之菜式>>
以住去過的溫泉酒店都係食和式餐，依間酒店竟然係食法式餐，一直都無諗過，所以有驚喜。
在香港法國餐就食過，不過日本人做事真是很一絲不苟，每道菜都做得很細緻，味道又配合得啱啱好，這個晚餐是將人推到電影世界裡面，實在太美妙了。
特別一提，富有煮熟士多啤梨味的小樽紅酒加上龍蝦湯，提升了湯的鮮味，簡直是完美的結合，正!
酒店位於山頂，附近係唔會有野可以比你買到。出左名漒水胃既嘟嘟，當然係唔飽，好彩早有預備。哈哈﹗v(￣︶￣)y
ლ(・ω・ლ)
－☆睇埋其他 ☆－
－☆睇埋其他 ☆－
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言