日本北海道自由行
12月1日 (Day1)
香港→大阪→新千歲機場→登別
登別巴士、地獄谷、大湯沼、 Takimoto Inn(瀧本飯店)、男爵薯拉麵、鹿肉
乘搭「樂桃航空」由香港去大阪關西機場，之後由大阪關西機場去北海道新千歲機場，轉機勝在夠便宜，但花既時間好多。
01:15-05:40：香港→大阪關西機場
10:25-12:15：大阪關西機場→新千歲機場
可以喺等轉機既時間，由大阪關西機場搭火車去「泉佐野」行下街，車程只係15分鐘，但經考慮時間是上午，商店街都未開，所以還是在機場HEA下就算了。
↓大阪關西機場有好多餐廳選擇
↓食份簡單早餐先
↓去到新千歲了, 在新千歲機場買埋7天JR PASS，方便未來幾天既行程。
↓食個MOSBURGER先
↓之後我地就由「新千歲機場」→「登別」
↓在機場國內航線大樓外面就是搭登別巴士的地方，購票需在國內線大堂購買。購票時，售票員會向你查詢去那間酒店，因為巴士會在登別村口轉乘溫泉小巴。
↓轉乘的溫泉小巴，車身印有地獄谷惡鬼的圖案，十分容易辨認，而車上亦有服務員，上車時話佢知你要到的酒店，有提示落車服務的。
↓Takimoto Inn(瀧本飯店)，HK$1100/晚，包括自助早餐，可以享用對面酒店「第一滝本館」的超級大浴場，只係過一條馬路仔，好方便。
酒店地理位置十分好，在溫泉街頭，去地獄谷只需行五分鐘。
↓酒店的餐廳
↓現在下午3點，酒店就在地獄谷旁邊。
↓我地沿著山路行去「大湯沼」展望台，大湯沼是日和山噴火時形成的爆裂火山口遺跡，周長約1公里的葫蘆形狀池沼。
<<題外話：由於是冬季，上山既路面好多都結左冰，上去都好困難，而落去係要用「SIR滑梯方式」落斜路，都幾危險架!!!>>
↓到達「大湯沼」
日本不同地區的渠蓋都會有不同既圖案，可以集郵呀，哈哈。
↓只係下午4時左右，天已經開始黑，亦都可以留意返地面，雞比已經跌倒了三次，太弱雞了。
行完地獄谷，就行溫泉街，溫泉手信街唔係好長，好快就可以行完。而當時又凍又餓，但係餐廳要六點先開門。
↓好凍呀好凍呀，由於訓得少，又肚餓，我地就搵一間食拉麵既。
<<天鳳>>
地址：北海道 登別市 登別温泉町 44
電話：0143-84-2358 (+81-143-84-2358)
↓男爵薯拉麵，令凍到結冰既嘟嘟雞比提升返小小既溫度。
↓最基本既叉燒拉麵
↓鹿肉，似牛腩，幾好味架，食完鹿肉先發現MENU有熊肉，但太飽最終都無點到。
食完飯就返去浸溫泉了。
ლ(・ω・ლ)
－☆睇埋其他 ☆－
－☆睇埋其他 ☆－
香港→大阪→新千歲機場→登別
登別巴士、地獄谷、大湯沼、 Takimoto Inn(瀧本飯店)、男爵薯拉麵、鹿肉
12月2日 (Day2)
登別
登別熊牧場、餵熊、俱多樂湖、伊達時代村、登別溫泉街、閻魔王、 浸溫泉、登別牛
12月3日 (Day3)
登別→大沼公園→函館
大沼定國公園、踏單車、大沼啤酒、駒岳、五稜郭公園、五稜郭公園展望塔、女子會、Smile Hotel Hakodate (函館微笑酒店)
12月4日 (Day4)
函館
函館山登山纜車、函館夜景、函館山、舊函館區公會堂、寫真歷史館、舊北海道廳函館支廳廳舍、函館朝市、釣魷魚、魚生飯、馬糞海膽、板本龍馬博物館、金森紅磚倉庫、屋台大門橫丁
12月5日 (Day5)
函館→二世古
火車便當、長萬部駅、二世古駅、北海道的士、童話飾物店、羊蹄山、雪上電單車、高橋牧場、Hilton Niseko Village(希爾頓酒店)、比羅夫
12月6日 (Day6)
二世古→小樽
小樽駅、壽司街、旭壽司、白子、五角魚、小樽啤酒、 Hotel Neuschloss Otaru (小樽城堡飯店)、法式晚餐、私人風呂
12月7日 (Day7)
小樽
Hotel Vibrant Otaru (活力小樽市酒店) 、小樽運河、小樽音樂盒堂、北菓樓、銀之鐘流冰冰凍館、燒生蠔、蜜瓜雪糕、燒肉店
12月8日 (Day8)
小樽→富良野→美瑛→札幌
大雪、三角市場、鐵炮汁、旭山動物園、火頭山、時計台、大通公園、聖誕小店、札幌電視塔、狸小路、火鍋放題、札幌站前奈斯特酒店（原札幌岐山酒店） Nest Hotel Sapporo Ekimae (Formerly Chisun Hotel Sapporo)
12月9日 (Day9)
札幌
火車便當、美瑛駅、一望無際雪景、七星樹、哲學之木、Ken & Mary の木、美馬牛駅、富良野駅、鹿肉、北之國資料館、富良野小學、北海道中心標、富良野神社、札幌拉麵共和國、拉麵橫丁、萬來軒
札幌
二條市場、羊ヶ丘展望台、足湯、Sapporo啤酒博物館、試飲啤酒、好吃到不行芝士、蟹將軍、T38展望台、串燒
12月11日 (Day11)
札幌→大阪→香港
札幌場外市場、好吃到不行響螺、蟹子飯、拖羅、毛蟹、白之戀人朱古力廠、大阪燒
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言