【日本中部北陸昇龍道自駕遊(Day4)】白川鄉/福井縣/敦賀市/名古屋市/足羽川/日本海さかな街@嘟嘟雞比

日本中部北陸昇龍道自駕遊

2015年4月11日(Day 4)

白川鄉→福井縣→敦賀市→名古屋市

白川鄉、福井縣足羽川、敦賀市日本海さかな街、名古屋市

依個係房外既景色, 雖然已經係四月中, 但仍然白茫茫一片


食早餐喇, 依間酒店既早餐係自助早餐黎既, 款式唔可以話多, 但唔錯的


本來諗住去「立山黑部」睇雪牆, 但佢未開通, 酒店外都有小型雪牆睇, ~^O^~

我地出發去「白川鄉」喇, 當我地架車, 向住「白川鄉」方向駛去時, 轉左一個彎之後, 她的美景呈現喺我地眼前, 大家都只能用一個「嘩」字去形容依一個美景。
泊好車之後我地就喺「白川鄉」漫步, 細味她迷人的魅力, 感受當地人熱情
另外, 提提吸煙既朋友仔, 整個「白川鄉」都係禁止吸煙的, 在停車場有個吸煙區, 上晒電先周圍遊呀...

同一個眼神, 同一個笑容, 果然係一家人

「白川鄉」係有一個觀景區, 可以一覽整個「白川鄉」, 如果冬天黎到, 由依道望落去, 屋頂鋪滿厚厚的白雪, 會好似走左入去童話故事既世界裡面架, 有機會我地都想冬天黎多一次

我們人數比較多，不能夠在同一間民宿容納我們，雖然嘟嘟和雞比都很想體驗一下，唯有下一次再次到來，而入住白川鄉的民宿除左自行致電或傳真訂房之外，還有以下網址，可供訂購。
代訂服務：http://japanhoji.com/

白川鄉觀光協會：http://www.shirakawa-go.gr.jp/search/?m=1

小朋友話要砌雪人, 由於已經溶緊雪, 所以只有D路邊的雪可以砌一個「烏JO」小雪人

佢叫「SORRY」......喺我地堅實既「旅伴」
聽聞「 福井縣足羽川」既櫻花好靚, 順路經過就去睇睇(雖然話係順路, 但都要粒幾兩粒鐘既車程), 但當時既櫻花已經到左「初衰」的階段, 不過仍然壯觀, 突然間一陣大風, 將花瓣由樹枝飛落, 落左一場好靚好靚既「櫻花雨」, 就好像走入左電影世界裡面, 靚到唔相信自己既眼睛

之後我地就渣左兩個鐘頭車, 去到「敦賀市日本海 さかな街」, 諗住黎到食「越前蟹」, 但原來依個市場, 係外賣市場, 要買走食, 無餐廳食的, 所以食唔到(可惜 T_T), 入左一間小店食左個下午茶, 海鮮丼都幾豐富架, (價錢:1500円/1人), 而依個海鮮市場會有好多土產買, 雞比媽梗係唔會放過依個土產機會, 見乜買乜咁濟, 差D放唔入喼添呀, 哈哈哈

喺中途站停左一停, 欣賞下風景, 郊區對於居住喺香港既我黎講, 直情係天堂

到達返去名古屋市, 去酒店CHECK IN後, 今晚間酒店無停車場的, 要係附近泊車, D位都幾窄, 好彩有車手阿嘟姐夫喺道, 而泊一晚既停車場費用係600円
泊左車之後, 我地一行十一人就去搭JR去食野, 點解BOOK依間酒店, 就係佢啱啱係JR上面, 好方便, 但係我地喺CHECK IN既時候, 見到好多本地既男男女女, 進進出出咁, 先知道原來佢喺「爆房精選」, 而且房間迷你, 有火水氣味, 大家想感受下就不妨試下喇。
酒店資料：Hotel Kiyoshi Nagoya
去到榮, 本來想食好出名既鰻魚飯, 但太多人沒有排隊了,  所以求其搵左第二間食,  價錢:(25700円/11人), 味道還可以。

而名古屋的商店其實好早收, 八點就收晒, 所以無得濕平, 返酒店飲酒吹水, 吹到點幾先訓, 哈哈哈

＊－。－。－。－。－。－。－。－。－。－。－。－。－。－。－。－。－。－。－＊

╭。☆║．．．．．．．．．．．．．．║☆。╮
2015年日本中部北陸昇龍道自駕遊
╰。☆║．．．．．．．．．．．．．．║☆。╯

☆2015年4月8日 (Day 1)☆
香港 > 名古屋市內遊 > 松阪牛
☆2015年4月9日 (Day 2)☆
開始自駕 > 名古屋港水族館 > 下呂溫泉 
☆2015年4月10日 (Day 3)☆
下呂溫泉 > 高山市上三之町 > 奧飛驒熊牧場 > 新穗高吊車 > 白川鄉酒店
☆2015年4月11日 (Day 4)☆
白川鄉 > 福井縣足羽川 > 敦賀市日本海 さかな街 > 名古屋市
☆2015年4月12日 (Day 5)☆
名古屋市 > 土岐 Toki Premium Outlet > 香港



╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
☆★其他精彩旅程★☆
◄♡♡♡嘟嘟雞比的快樂腳印♡♡♡►
╰。☆．。☆．。☆．．．．．．．．．．．．．．☆。．☆。．☆。╯