【日本中部北陸昇龍道自駕遊(Day2)】名古屋/名古屋港水族館/下呂溫泉溫泉旅館@嘟嘟雞比

日本中部北陸昇龍道自駕遊

2015年4月9日(Day 2)

名古屋→下呂溫泉

名古屋港水族館、下呂溫泉溫泉旅館

一早係酒店食早餐，但只得麵包+湯+咖啡，求其食小小，呀嘟和雞比就同呀嘟姐和呀嘟姐夫去取車，途中去7仔買D飯團，比團友在車上做小食，大家都知7仔的食物都好正架啦~!


路邊的鬱金香都開得好靚



雞比揸七人車，我係有D驚既，因為佢未試過渣七人車......

呀嘟姐夫有旅遊巴牌，可以揸十人車，要租十人車既朋友仔要注意喇，因為租車公司係需要你先出示有旅遊巴牌先會比你預約。



今天第一站是名古屋水族館，我地見到一大群雀仔，好壯觀。



這是一隻去過南極的觀測船富士，我們沒有上去參觀。







同大阪既「海遊館」一樣，參觀人士可以先去洗乾淨隻手，再同海洋生物接觸下。



較啱時間，係可以睇到餵養員餵企鵝，D企鵝好乖，係會排隊唔爭食。




同老人家去水族館，佢地最開心既係，見到任何海洋生物都可以講出「煮食方法」，哈哈哈。


我地喺水族館既餐廳食，味道無乜特別。


我地再次踏上征途，向住「下呂溫泉」進發，我地希望可以令團友感受到日本傳統特色，特別訂了一間「溫泉旅館」，水鳳園下呂溫泉懷石宿，網址：https://www.e-onsen.co.jp/，由於個網頁有二個版本，一個係日文版，一個係英文版，而英文版的房價係會貴小小，所以我地用日文版果個訂房，而我有問過D日本朋友仔，點解好多商戶都會有「日文版優惠」，朋友仔表示，因為外國客成日「 放飛機」，所以貴小小囉，而日本本地的市民大部份都好「講口齒」，外國客就.............，朋友仔更加表示，因為旅館多數都係小本經營，如果有人訂房旅館方面就會安排當時最好的食物，如果被放飛機，食物就浪費了，在此希望各位朋友仔約左就唔會放飛機喇(198,733円/11人)。
備註:日本溫泉旅館會提供"一泊二食"服務, 意思為住一晚, 包食晚餐和早餐, 基本上都是提供當時得令的食物, 有些可能不太適合香港人的口味, (曾經食個一個梅味的面, 真的不好味), 但大部份因為食材新鮮, 都是非常美味。

依個係去程途中既「服務站」，阿雞就最鐘意架喇，可以休息下，阿雞一經過有「服務站」就會走入去，哈哈。











依個係我地的晚餐餐單，餐單上面有我地個名(十分細心)，而每款食物都非常精緻，其中有「飛驒牛」，完全能夠體驗到日本食物的藝術。



因為我們有11人(9大人和2小朋友), 所以給我們一個宴會室慢慢享受今晚的佳餚

最開心既時刻終於來臨，唔知「阿嘟」同「阿嘟爸」一齊浸溫泉會係點呢? 結果呀嘟爸因為頭痛而沒有一起去~~~~HEHEHE

＊－。－。－。－。－。－。－。－。－。－。－。－。－。－。－。－。－。－。－＊

╭。☆║．．．．．．．．．．．．．．║☆。╮
2015年日本中部北陸昇龍道自駕遊
╰。☆║．．．．．．．．．．．．．．║☆。╯

☆2015年4月8日 (Day 1)☆
香港 > 名古屋市內遊 > 松阪牛
☆2015年4月9日 (Day 2)☆
開始自駕 > 名古屋港水族館 > 下呂溫泉 
☆2015年4月10日 (Day 3)☆
下呂溫泉 > 高山市上三之町 > 奧飛驒熊牧場 > 新穗高吊車 > 白川鄉酒店
☆2015年4月11日 (Day 4)☆
白川鄉 > 福井縣足羽川 > 敦賀市日本海 さかな街 > 名古屋市
☆2015年4月12日 (Day 5)☆
名古屋市 > 土岐 Toki Premium Outlet > 香港



╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
☆★其他精彩旅程★☆
◄♡♡♡嘟嘟雞比的快樂腳印♡♡♡►
╰。☆．。☆．。☆．．．．．．．．．．．．．．☆。．☆。．☆。╯