台灣台中之旅
2015年4月2日(Day3)清境→日月潭
清境、日月潭、伊達邵
早晨呀清境, 雞比其實對清境無乜期望, 但係佢見到咁既風景之後改口, 女人真係善變
未到早餐時間, 阿嘟坐喺窗邊, 嘆下房間提供的咖啡機沖出黎既咖啡, 睇下今日既行程
酒店提供既早餐, 好味道
依個就係咖啡機, 要自己磨粉自己煲水沖出黎既, 對咖啡有要求既阿嘟, 佢話好正
我地走喇, 向日月潭進發
酒店幫我地安排車去日月潭, 係共乘車黎既, 酒店安排的車就在清境7仔放低我地, 我地就喺道等車喇, 清境去日月潭NT450/人
轉左2程車, 到達日月潭, 在「水社碼頭」附近食野先
依個竹桶飯要介紹, 有好香既竹桶味道, 要試
依個係「炒野菜」
阿雞由細到大都好鐘意飲既飲品, 佢話要飲返夠本
食飽後就去我地既目的地「伊達邵」, 今晚住的酒店, 由水社碼頭去伊達邵最快的方法是坐船, 順便遊覽一下日月潭, D水好藍, 好靚
到達伊達邵酒店, 依間酒店價錢就好平, 但係我地真係好怕熱, 依個冷氣呢就........
安頓好之後就去行下, 其實我地住的這個地方, 可以行既地方唔係好多, 好細架渣, 而第一個景點就係小米酒, 有得試飲既, 我地飲完想買, 因為店員太忙, 最終無耐性既雞比話唔等了
依個係「糯米雞奕」, 不錯的
17:00左右, 在附近有一個邵族表演, 免費的, 又幾得意
行行下, 行到去海邊, 日落不錯
之後就搵晚餐食喇, 伊達邵餐廳唔多, 下午行既時候見到有「鱘龍魚」, 阿嘟話鐵定必定一定要食, 行到成街都收晒, 依間係最後一間係營業既, 就拿拿林入去, 成間餐廳有四十張枱左右, 得我地一枱有人, 雞比話係佢包左場.........笑
依個唔記得係乜菜, 但係口感好特別, 一粒粒好似粟米, 味道比醬油蓋過, 係甜甜地既
京都骨, 似香港口味
嗱嗱嗱...主角「清蒸鱘龍魚」好滑, 魚味不算重
「鱘龍魚骨湯」依個湯好味道, 清甜, 正
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2015年台灣台中之旅
╰。☆║．．．．．．．．．．．．．．║☆。╯
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言