台灣台中之旅
2015年4月1日 (Day2)台中→清境
台中車站、清境、清境農場、清境小瑞士
酒店早餐, 自助型式
食飽出發, 今日天氣好好, 雖然係四月份, 但係已經好似夏天咁熱
我地係根據依張地圖去搵去清境的巴士, 南投客運
這是臺中車站
企左喺依間鋪前面, 搵來搵去都搵唔到, 梗係搵GOOGLE之神幫幫忙, 點知商鋪的老闆見到我地咁徬徨, 主動問我地去邊, 好好人呀, 萬分感激
個車站好似一間商店咁既, 無映相, 而終於上左車, 向清境出發, 巴士交通費很便宜 NT249/人
到達清境, 「漒水胃阿嘟」肚餓喇, 在落車對面的餐廳食午餐
月亮蝦餅, 在台灣好多地方都有得食, 唔錯既
清蒸總統魚, 淡水魚黎講算幾肥幾滑, 可以試下
炒野菜, 我自己就認為, 台灣最好味都係菜
我地就係喺依間餐廳食喇
到左我地既民宿, 好靚呀
我地雖然得二個人, 但係比左一間有閣樓既房我地, 有二層樓, 上面係二張床
下層係一張大床, 加一個露台,可以一邊沖咖啡, 一邊睇風景
連接上下層的樓梯
安頓好晒就去搵羊咩咩了
阿嘟其實係一個好有愛心既人, 佢好鐘意餵動物, 同時又好鐘意用食物引D動物走來走去...哈哈
依隻馬都可以餵架, 馬旁邊有部「賣糧」機械, 馬仔一見到人走埋去就會高速飛過黎, 我地買左一盒比馬仔食.....因為馬實在太大個口, 無乜人敢餵佢...
阿嘟幾咁開心
依D係羊咩仔黎...不斷喺道叫...好好笑
天氣清朗的清境係靚既, 唔似亞洲地方, 天氣方面呢, 都涼涼地架, 要帶件外套仔呀
好, 我地黎到「清境小瑞士」, 主要係黎睇花既
「紙箱王餐廳」就係喺「清境小瑞士」旁邊, 本來我地諗住食扒, 但係食扒果道六點半先開, 依道六點開, 所以就食依間「紙箱王餐廳」喇, 而依間餐廳既特色係, 整間餐廳既所有都是由餐做的, 食完仲可以買一些紙製品, 唔係「紙札品」做手信
食物味道OK, 一定要介紹既係依個「布丁」, 超滑, 濃郁的拖肥味, 雞比話如果可以買返香港就好, 唯有喺果道食多幾個
清境始終係高山, 係海拔1700米以上, 晚上係凍既, 好似得10左右, 所以要開暖爐, 好正呀, 好似去左外國一樣, 而雞比就走左出個露台凍, 點解? 因為今日天氣好好, 天上既星實在太多太多, 雞比話從未見過多到貢樣, 由於清境位於山頂, D星星好似可以觸摸到一樣, 所以就算捱凍都要去感受一下靚到喊出黎既星空
＊－。－。－。－。－。－。－。－。－。－。－。－。－。－。－。－。－。－。－＊
╭。☆║．．．．．．．．．．．．．．║☆。╮
2015年台灣台中之旅
╰。☆║．．．．．．．．．．．．．．║☆。╯
╭。☆．。☆．。☆．．．♬♬~(￣▽￣)~♬♬．．．☆。．☆。．☆。╮
╰。☆．。☆．。☆．．．．．．．．．．．．．．☆。．☆。．☆。╯
沒有留言:
張貼留言