【日本東京、伊豆半島半自駕遊(Day3)】 伊東市-麓水樓/伊豆市-淨蓮之滝/河津町-河津七龍、天城山隧道/下田市 @ 嘟嘟雞比

【日本東京、伊豆半島半自駕遊】

<<DAY3>>
來到第三日, 今日既景點全部都係郊外, 行山同睇滝(瀑布), 其實幾悶架, 如果你唔鐘意睇風景呢, 唔太適合去伊豆, 伊豆根本就只係一個超級hea既地方

【今日行程】

伊東市麓水樓

伊豆市淨蓮之滝

河津町停車場(午餐)

河津町河津七龍

河津町天城山隧道

下田市ペリー艦隊来航記念碑

下田市Perry road

下田市魚河岸(晚餐)

下田市K's Room Shirahama (酒店)

起身食酒店附送的早餐，煩都要講多次，酒店真係好便宜，包括：住宿、免費貸切、早餐，在Booking.com訂的，性價比十分之高，只是5940円 / 2人。

【淨蓮之滝】
第一站淨蓮之滝，被評選為「大瀑布百選」之一的瀑布，停車場既位置會有土產店同手信店，沿指示牌的路只需要5-7分鐘就見到瀑布，石級容易行，適合小朋友同老人家。
地址：〒410-3206 静岡県伊豆市湯ケ島892-14
電話：0558-85-1125
網址：http://www.amagigoe.jp/asobu.html
參觀時間：30分鐘
停車場：免費
其他：有時間可以試下釣河鱒
其他blog：前往神秘瀑布景點旅遊 | 伊豆舞孃另一舞台淨蓮之滝 | 中伊豆˙天城˙山葵路 | 東京伊豆賞櫻

 

遠望過去，加上紅葉的確幾靚，簡直風花明媚呀。

瀑布後面有個洞，好神秘，係武俠高手修練的好地方。

途中經過的商店，有燒魚售賣，嘟嘟買左一條來吃 (價錢：450円)。好juice，好好味道，感覺好新鮮。但如果要講好食既話，四國祖谷蔓藤橋旁邊既烤魚比較好味道。

除左去睇瀑布之外，仲有咩做呢?鐘意釣魚既朋友，可以一試釣河魚既感覺，河裡面釣既係鱒魚，有工作人員教你，本來雞比都想去釣，但係因為佢身手實在太敏捷，驚踩左落河無鞋換，所以放棄左。

 

在瀑布的入口已經見到一大條山葵，即係wasabi啦，原來依道係盛產wasabi既地方，我地試過即磨既味道真係有啲唔同，係清香一啲，如果時間許可，這個是必買既手信。

 

全是wasabi，無錯...全部都是，開初以為是一條普通的水渠

【Wasibi雪糕】

有小小辣既, 有小小攻鼻, 有雪糕既香甜，果種味道好特別, 唔識形容, 必試。
價錢：300円
 

【舊天城山隧道】
入口因天雨關係封閉左，要繞道從第二邊入口進入，見到張相已經覺得好鬼異。
地址： 〒413-0501 静岡県賀茂郡河津町梨本
網址：http://shizuoka-guide.com/chinese_t/detail/page/detail/4029
TIPS：車的GPS用電話號碼找不到, 需要找天城峠再調節一下目的地
附近：河津七滝
建議參觀時間：15分鐘
停車場：在隧道口有2-3個車位
其他blog：日本伊豆半島行之紀錄(踊子步道) | 漫步伊豆天城山

 

終於搵到第二個入口，我地泊好車，就徒步行入去，行左小小就掉返轉頭出黎喇，裡面好黑，仲好濕，入到去就好似入左去第二個世界咁。

隧道盡頭好似走入千與千尋既世界，嚇死寶寶了，可以渣車入去既，但係路好窄，仲要雙程行車，在隧道口見到有對頭車要讓對頭車，反之亦然。

【河津七滝迴旋橋】

轉轉行車天橋是其中一個景點，嘟嘟渣依段路既時候感覺好特別，雞比就覺得特別...暈, 仲想嘔添。

【七滝観光センター】
要行山當然係要醫飽個肚先啦，在停車場既位置有一間餐廳，食蕎麥麵的，點了一個野菜麵，同埋一個山藥麵，如果食唔到滑潺潺野的朋友，千祈千祈唔好點呀，佢同納豆有異曲同功之妙。

地址： 〒413-0501 静岡県賀茂郡河津町梨本379-13
電話：0558-36-8263
價錢：1900円 / 2人
停車場：免費

 

 

【河津七滝】
下一個目的地係「河津七滝」，需要泊好車，搭巴士去七滝頂部(水垂站)，慢慢行落黎，有遊客會選擇由低行上去，我地見到行上去既旅客個個都氣來氣喘，就知道搭巴士係明智既。
在餐廳旁邊就有巴士站，一個鐘頭有一至二班車，在食飯前就睇定時間表比較好，上車時取"車票"，下車的時候，現金和同"車票"一起投入個錢箱。

地址： 〒413-0501 静岡県賀茂郡河津町梨本379-13

電話：0558-36-8263
網址：http://www.nanadaru.com/
價錢：巴士-260円
TIPS：在「七滝観光センター」泊車後乘坐巴士到「水垂站」開始步行下來
建議參觀時間：1小時30分鐘
停車場：免費

其他blog：大雨滂沱中的河津七分之三滝 | 河津七滝散策 | 河津一日遊 | 河津七滝の伊豆踴子 | 河津七滝

 

在這個站下車，不用擔心，因為很多人都是在這下車啊。

沿路很多指示，不用怕行錯，而且很多人與你同行，放心啦。

滝...全部都係滝.....話就話七滝，行到最後都係得六條，七不可思議事件? 

有旅館將條「大滝」買起左，若要看就必須付溫泉旅館500円，可以邊浸溫泉，邊欣賞大滝，很寫意呢。

 

     

依兩盤石仔喺一塊大石前面，而大石上面喺有一個小洞，只要你投入100円，就可以取三粒小石，投中大石上凹下的洞就可以願望成真咁話，錢箱無人看守，屬良心錢箱也。

見到一張食物海報，「絕品」好像不食不可的樣子，立即買了一個，吾.....都幾油，味道好似香港包麵店的炸咖哩牛肉包。

價錢：350円

【ペリー艦隊来航記念碑】
來到下田市第一站，去海邊的「艦隊来航記念碑」，吾....無乜野睇，當去吹下風，心礦又神宜，趁機會和嘟嘟浪漫一下。

地址： 〒415-0023 静岡県下田市3
電話：0558-22-1531
網址：http://www.surugawan.net/guide/27.html
建議參觀時間：10分鐘
停車場：免費 (旁邊還有洗手間)
其他blog：風雨飄搖的黑船登陸 | 下田市散策

 

【培里之路】
兩旁有垂柳, 風光如畫，商店只有一、二間營業，感覺冷清

亦可以說寧靜。

地址：日本〒415-0023 Shizuoka-ken, Shimoda-shi, Sanchōme, 14, 三丁目

電話：0558-22-1533
附近：黑船博物館
建議參觀時間：10分鐘
停車場：無
其他blog：下田散策-佩里之路 | 培里之路散策 | 下田培里 | 下田篇

 

【德造丸】
到下田市目的是為了吃德造丸，但係下田市既德造丸只係開到15:00，德造丸是大型連鎖食海鮮料理店，金目鯛和龍蝦聽聞好好味，所以就慕名而來喇，好可惜呢!

【地址】 静岡県下田市東本郷1-1-23
【電話】0558-23-7200
【網址】http://1930.jp/amimoto/shimoda/shimoda.html
【其他blog】邂逅川端康成笔下诗的故乡

 

【魚河岸(下田)】
之後我地好肚餓，繼續搵野食，尋找到一間隱世金目鯛!
雞比就點左個金目鯛set，嘟嘟就點左海膽魚子丼，雞比話個魚頭同魚身既比例有啲怪，但最後發現，魚腩用來做刺身，個魚頭和尾燒後再拼返埋，視角上好似唔啱比例，海膽魚子飯都好食既，材料都好新鮮!

地址： 〒415-0035 静岡県下田市東本郷1-1-12
電話：0558-27-1552
網址：https://tabelog.com/tw/shizuoka/A2205/A220503/22003185/
價錢：4400円 / 2 人
建議參觀時間：1小時
停車場：免費

 

  

【K's Room Shirahama 】
酒店都係booking.com訂既，基本上係一間民宿，酒店喺山頂上面，記得由有燈既公路駛入無電既燈小路，仲有啲上山位好斜，周圍又無燈，仲以為自己行錯路，又覺得GPS流流地。

總算有驚無險喺八點去到酒店，酒店感覺十分warm，一入去老闆好熱情咁招乎我地，房間係榻榻米，要自已鋪床，亦都要自己執返鋪床。廁所同浴室係分開既，有提供風筒、毛巾同沖涼用品。

地址： 〒415-0012 静岡県下田市白浜2583-2
電話：0558227573
價錢：7000円 / 1房 (不包早餐)
TIPS：入住前去超市買定宵夜
停車場：免費

 

  

都估到酒店附近乜都無，所以喺經過既超市，買左和牛同杯麵

唔好以為我地大食，個麵得好兩啖咋!