【日本東京、伊豆半島半自駕遊(Day2)】伊東市 - 一碧湖/仙人掌公園/大室山/伊豆泰迪熊博物館/麓水樓 @ 嘟嘟雞比

【日本東京、伊豆半島半自駕遊】

<<Day2>>
行程第二日，今日開始自駕遊喇! 一起身喺酒店食個簡單早餐,  就出發去攞車囉。今日天氣唔係咁好, 無落雨都已經算不錯。

【今日行程】

羽田酒店離開

熱海租車公司

伊東市一碧湖

伊東市仙人掌公園

伊東市大室山

伊東市伊豆泰迪熊博物館

伊東市麓水樓

由酒店行過去京急蒲田站搭東海道線去熱海駅。

   
來到熱海駅，駅外面有個足湯，等車又未到時間的話，可以一邊浸腳，一邊望住人來人往的車站，感覺很有趣。

嘟嘟十分之偏愛ORIX公司，因為都係較便宜。

依間位於熱海站附近既鋪頭，由熱海站行過去只需要五分鐘，好近的，位置正正在東橫INN對面，只要一出站望下有無東橫INN個牌，就好容易搵到架喇。

【租車】33264円 / 5  日

 
今次我地用既係銀色戰車，依幾日就拜託你喇。

雖然無陽光，但都無落雨，很不錯呢!
 
啲路唔算難渣，如果比起四國黎講的話。

沿途會見到好多特別既隧道

去便利店買左杯咖啡，嘟嘟只係飲左一半就放喺道，佢話想學下拓海喎，希望佢唔好淋到成車都係。

【一碧湖】
今日既第一個目的地伊東市的「一碧湖」，又名「伊豆の瞳」，係一個火山湖。主要目的係賞紅葉，紅葉當造時，湖景加上紅葉會好靚，但這刻紅葉就唔算多，而一碧湖除左賞紅葉之外，仲可以坐船仔遊湖或者釣湖魚。
地址：静岡県伊東市吉田
電話：0557450641
網址：http://itospa.com/nature_park/np_ipekiko/
遊覽時間：30分鐘
停車場：免費
其他blog：伊豆高原一碧湖 [賞櫻] |  伊豆高原一碧湖
 

有時間的話，可以跟住建議遊步道去行下。

依個係租船公遊湖同埋釣魚的價目表

 

【沼池】在一碧湖旁邊的蘆葦池

繼續出發，伊豆半島沿途有很多幽靜的小路。

【仙人掌公園(伊豆シャボテン公園)】
到左另一個目的地，仙人掌公園(伊豆シャボテン公園)，最出名就係水豚浸溫泉，又可以親手餵喺你身邊走來走去既水豚喎，真係好好笑的，園裡面仲有好多黎自南美既動物，很多都是第一次見，感覺十分新鮮。
地址：静岡県伊東市富戸1317-13
電話：0557-51-1111
網址：http://shaboten.co.jp/
價錢：2300円 / 1人
附近：對面有大室山, 可以乘坐吊車上山頂欣賞風景
遊玩時間：2小時
停車場：免費
其他blog：仙人掌公園水豚君溫泉 | 超療癒仙人掌公園動物明星秀 | 終於看到療癒系水豚泡溫泉了 | 到伊豆仙人掌公園找水豚君玩耍 | 最萌最可愛的水豚君泡溫泉 | 冬季限定水豚君泡溫泉

從山下的入口進入，會有穿梭巴士送你上去山上的入口，而巴士內有好多水豚公仔，可以比遊人攬住佢黎影相。
 
 
依個就係山上面既入口，售價處就係依道。
 

超近距離同動物接觸，小朋友一定好鐘意，嘟嘟都十分之開心啊！
 
 

 
 

我地第一次見既生物，天然呆，個樣好好笑架。

 

仙人掌公園當然唔少得有仙人掌啦，好多唔同既品種。

水豚區域，好多隻水豚走來走去，毛毛好似針，個樣就好笨，但係身手十分敏捷。

仲有好多其他未見過既動物!

 

依個係仙人掌溫室，裡面除左有仙人掌之外，仲有需要溫暖既動物。動物既品種好多我地都係未見過既，十分之得意，而且亦有得餵食，餵食價錢每次200円或以上，都幾貴架，在食物旁邊有找贖機，唔洗擔心無散銀。

 
 

入到仙人掌的區域，有一個牌好有趣，係叫啲人唔好採集啲仙人掌，我覺得好好奇點解會有個咁既牌，原來行到最後係有仙人掌採集區，園主就係可能怕人誤會。

 

黎到仙人掌狩獵區，可以拿起筷子夾起啲迷氣仙人掌，再揀一個盤，埋單既時候，工作人員會做個合你心水既盤景比你，好靚既，雞雞都想買返個。

 

↓點解啲人個博頭圍晒毛巾既，因為依個小島有好多金絲猴。而啲金絲猴會跳上你身上，你就可以超級近距離咁餵食，感覺好似卡通的主角。

水豚呀水豚，你地會唔會實在太舒服呀!

每天只有二場的露天風呂浸浸浸，所以如果要欣賞「水中享受豬」表演，在購票入場時問一問售票員喇，唔好錯過呀！

【大室山午餐】
玩完仙人掌動物公園，就上去對面既大室山，不過首先係要醫飽左個肚先。在大室山的鳥居後面的建築物二樓餐廳，我地就係入左去依間餐廳食喇。
餐廳可以點既野唔係好多，我地點左豬扒飯同埋烏冬，但你唔好睇佢地奇貌不揚，真係極之好味道。個豬扒係「超級鬆軟」「入口即溶」， 味道濃郁，諗起都流口水中。
使用時間：30分鐘
停車場：免費
價錢：1450円 / 2人

 

【大室山】
食完午餐，我地就買纜車卷上山喇，依啲係櫈仔纜車，一架最多可以二個大人一個小朋友坐，而背包需要向前咩住，總之去到聽工作人員指示就得架喇。而去到中途，會有相機幫乘客映相，記得準備最靚既笑容喇。

上到山頂風景一覽無遺，今日天氣不太好，聽聞好天氣可以望到富士山。

地址：〒413-0234 静岡県伊東市池672-2
電話：0557-51-0258
網址：https://shizuoka-guide.com/detail/page/detail/4853
價錢：500円來回
附近：仙人掌公園在對面
觀光時間：搭纜車大約5分鐘, 繞山頂一圈大約20分鐘。
停車場：免費
其他blog：伊豆-大室山 | 大室山纜車 | 再訪大室山 | 大室山冬日燒山活動 | 伊豆高原：大室山
 
 

【伊豆泰迪熊博物館】
天已經差唔多黑喇，當時係午五點鐘，我地去到伊豆高原泰迪熊博物館，伊豆有很多博物館、美術館，我地選擇左依個比較熟識既館去參觀。

裡面除左龍貓之外，仲有熊bear bear，全部都好靚既，入到去就好似入左童話世界裡面，毛公仔都做得好仔細，有興趣既朋友可以來慢慢參觀，但對於公仔無乜興趣的朋友呢.....認真諗下，因為入場費都唔算平。

地址： 〒413-0232 静岡県伊東市八幡野1064-2
電話：0557-54-5001
網址：http://www.teddynet.co.jp/
價錢：2160円 / 2人
建議使用時間：30分鐘
停車場：免費
割引券：http://www.teddynet.co.jp/ticket.html
其他blog：伊豆高原泰迪熊博物 | 拜訪「泰迪熊博物館」進入夢幻世界 | 龍貓特展真是太搶鏡了~ | 伊豆泰迪熊博物館 | 伊豆之春。泰迪熊與龍貓的夢的研究室


    
【じゃがいも】
晚上落雨, 太黑, 泊位泊左好耐，雞雞落車幫嘟嘟睇位成身濕晒

變左真正既落湯雞, 又凍喎，拿拿林入去依間居酒屋食晚餐。

入到去女店主不停叫我地叫飲品，喺咁指啤酒，我地話因為渣車唔飲，但佢又喺咁叫我地飲喎。最後聽啲朋友講先知道，原來去居酒屋一定要叫酒飲，最後嘟嘟飲慘汁，雞比就飲啤酒，食物既餐牌掛喺牆上面和沒有相片的餐牌，實行亂點攻勢，食物來到枱面先知係乜，味道有家的感覺。
地址： 601-4 Ogi, Itō-shi, Shizuoka-ken 414-0053日本
電話：0557(36)0129
網址：http://www5d.biglobe.ne.jp/~jagaimo/
價錢：3390円 / 2人
停車場：免費


 
 
【麓水樓】
時候亦不早喇，去到酒店check in，已經講緊係七、八點喇，依間酒店有驚喜，好平不單止，間房都算係幾大間既，而且有免費私人溫泉添，去旅行遇到既驚喜真係令人振奮。
地址： 〒414-0053 静岡県伊東市荻675-3
電話：0557-36-6612
網址：http://www.rokusuirou.com/
價錢：5940円 / 1 room (包早餐)
附近：位置都幾深山, 所以附近乜都無
停車場：免費

 
 
【酒店的貸切】
登登登登！免費既私人風呂好大，可以容納十人，二個人獨佔風呂，有啲奢侈, hehe!